Hazırda bir qədər arxa planda qalsa da, bir neçə il əvvəl "ağıllı" telefon bazarında kifayət qədər iddialı şirkətlərindən olan HTC geri dönüş etmək istəyir. 

TED.az Türkiyə KİV-nə istinadən xəbər verir ki, yaxın günlərdə şirkət ilk qatlanan telefonunu təqdim edəcək. 

LetsGoDigital-ın verdiyi məlumata görə, HTC hələ 2019-cu ildə ABŞ hökumətinə qatlanan telefon patenti üçün müraciət edib. 

HTC-nin sözügedən telefonu digər şirkətlərin modellərinə nisbətən fərqlidir. Əsas fərq isə telefonun içəri yox, əskinə çölə tərəf qatlanmasıdır. 

Bir məsələni də qeyd etmək yerinə düşər ki, bu, əslində, təhükəsizlik baxımından çox da ağıllı fikir kimi görünmür. Çünki ekran daha həssas hala gəlir. 

Qeyd edək ki, telefon haqqında hələlik çox detal məlum deyil.