“az.accessbank@rocketr.io və bənzər müxtəlif saxta elektron poçt ünvanlarından vətəndaşlar müxtəlif səpkidə saxta phishing maillər alırlar. Vətəndaşlara belə saxta maillərə inanmamağı və göndərilən şübhəli mailləri dərhal silməyi, xüsusən də fayl əlavə olunmuş mailləri açmamağı tövsiyə edirik!”

TED.az xəbər verir ki, bu haqda Kompüter İnsidentlərinə qarşı Mübarizə Mərkəzi məlumat yayıb. 

Məlumatda qeyd olunur ki, vətəndaşlar bənzər hallarla qarşılaşdığı hallarda şübhə doğuran hallarla bağlı məlumatları CERT.gov.az, və ya CERT.az -a göndərməsi tövsiyə olunur.

Saxta phishing maillər-ə nümunəni təqdim edirik: 

Saxta elektron poçtun mətni 

From: AccessBank

Sent: Friday, October 9, 2020 09:06

To: Mayya Dursunova

Subject: Təhlükəsizlik xəbərdarlığı

Bununla bağlı AccessBank-ın rəsmisi də məlumat yayıb:

Hörmətli müştəri,

Bu mesaj Proksi serverdən göndərilir, çünki əsas server erməni hakerlərin hücumuna məruz qalıb. Azərbaycan Maliyyə Nazirliyi və Mərkəzi Bank tərəfindən nəşr olunan bələdçi kitabını, habelə Azərbaycan Respublikasının Prezidentinin dövlət hesablarına, vətəndaşların bank hesablarına edilən hücumlarla bağlı beynəlxalq birliyə müraciətini təqdim edirik.

Mövcud vəziyyətlə əlaqədər olaraq, vətəndaşlar vəsaitlərini dərhal depozit hesablarından çıxarmalı, əlavə məlumat verildikdən sonra əmanətlərini nağd şəkildə saxlamalıdır. Maliyyə əməliyyatlarının problemsiz olması üçün vətəndaşlardan 5 iş günü müddətində 5.000 AZN-dən çox olmayan pul çıxarılmaması xahiş olunur.

Müharibə vəziyyəti ilə əlaqədar yaranan narahatlığa görə üzr istəyir, anlayışınız üçün təşəkkür edirik.

Anar Gasanov

Baş icraçı direktoru

AccessBank Azərbaycan

+994 24 274 97 17