Ağ Evin rəsmi saytında ABŞ-ın Ermənistana sanksiya tətbiqi ilə bağlı petisiya açılıb.

TED.az xəbər verir ki, petisiyada Ermənistanın Azərbaycanın ərazi bütövlüyünə təcavüz etdiyi, Dağlıq Qarabağ və ətraf ərazilərin işğal olunması qeyd edilib.

Vurğulanır ki, Ermənistan BMT Təhlükəsizlik Şurasının Ermənistanın Azərbaycan ərazilərini qeydsiz-şərtsiz azad etməsi ilə bağlı qəbul edilmiş qətnamələrinə əməl etmir. Bununla yanaşı, Ermənistan Haaqa konvensiyasının qaydalarını pozaraq Xızıda, Gəncədə, Bərdədə mülki əhalini raket hücumuna məruz qoyur. Həmçinin qeyd olunub ki, sentyabrın 27-dən etibarən Ermənistanın mülki insanları hədəfə alması nəticəsində həlak olan və yaralılar var. Petisiyada Ermənistana qarşı ticarət sanksiyası və hərbi embarqosunun tətbiqinə çağırılır.

BU LİNKƏ daxil olmaq,  ad (first name), soyad (last name), elektron ünvanı tələb olunan hissələri doldurmaq və «SİGN NOW» düyməsini basmaqla petisiyanı imzalamaq olar. Elektron ünvana göndərilən təsdiqedici linki açmaqla petisiyanı imzalama prosesi başa çatmış olur.