“Startaplar ilkin inkişaf mərhələsində investisiyanı, yəni maliyyələşməni sadəcə qrantlar, müəyyən proqramların ilkin start büdcə dəstəyi və ya ailəsindən, dostlarından topladığı sərmayə ilə cəlb edir”.

Bunu TED.az-a açıqlamasında İnnovasiyalar Agentliyinin Startaplara dəstək və akselerasiya şöbəsinin müdiri Murad Rəhimov deyib.

Murad Rəhimov bildirib ki, buna qlobal bazarda “Early Stage” (ErkənMərhələ) startaplar deyilir: “Onlar üçün qurulmuş xüsusi investisiya fondları, Vençurlar və İnvestorlar var. Onların əsas məqsədi risk investisiyası tapmaqdır. Onlar yalnız Erkən Mərhələ startaplara yatırım etməklə məşğuldur. Bu işi adətən dövlətlər öz məsuliyyətinə götürür, çünkü bu, vətəndaşın Erkən Mərhələ biznesinə (startapına) edilən yatırım, ona edilən standart risk sərmayəsinin bir parçasıdır. Bu Risk Sərmayəsinin içində pulsuz orta təhsil, ali təhsil və məşğulluq proqramları da var”.

Zeynəb ƏKBƏR