AZ

Azərbaycan Ordusunun “Vampir”i düşmənin qanını içməsə də, bir komplekti 70 hektar ərazisini yox edir

rm70_vampir_l1
15.10.2020 15:20

Ən müasir silahlar və hərbi texnika ilə təchiz olunan Azərbaycan Ordusunun silahlanmasında müxtəlif təyinatlı reaktiv yaylım atəş sistemləri yer alıb.

 

TED.az-ın məlumatına görə, Çexiya istehsalı olan RM-70 Vampir reaktiv yaylım atəş sistemlərinin əsas xüsusiyyətlərindən biri də budur ki, üzərində olan 40 raketdən əlavə olaraq, yerləşdiyi şassinin üzərində quraşdırılmış unikal hidravlik sistem sayəsində 80 belə raketi qısa bir müddət ərzində düşmənə ata bilir. Keçmiş SSRİ istehsalı olan əfsanəvi 122 mm-lik BM-21 Qradın cəmi 40 raketi varsa, RM-70 “Vampir”lərin əlavə olaraq 40 raket də ehtiyatında mövcuddur. Əsas buraxılış konteynerində raketlərin atışı başa çatdıqdan sonra həmin hidravlik sistem daha 40 raketi paket halında buraxılış konteynerinə yükləyir və bu proses cəmi 1 dəqiqə vaxt aparır. Beləliklə, “Vampir” 3-4 dəqiqə ərzində düşmənə 80 raket zərbəsi endirməyə qadir olur və eyni zamanda çevik şəkildə ərazini tərk edərək düşmənin cavab zərbəsindən yayınmış olur. Bir komplekti (40 raket) 70 hektar ərazini məhv etməyə qadirdir.

 

 

 

Silah ilk dəfə olaraq Paris ətrafında keçirilən “Eurosatory 2016” sərgisində nümayiş etdirilib. 

 

Sistemin raketlərinin hədəfə çatma müddəti 2.5 dəqiqə, maksimum atış məsafəsi 20,38 km-dir.

 

RM-70 “Vampir” səkkizoxlu, zirehli, Tatra T-818 şassisi üzərində quraşdırılıb. Bu şassi yüksək sürət qabiliyyətinə və dolu yanacaq çənləri ilə dayanmadan 1000 kilometrə qədər məsafə qət etmək imkanına malikdir. Bu şassi düz yerdə 85 km/saat, qrunt yolda isə 35 km/saat sürətlə hərəkət edir.

 

Günel QURBANOVA

TED + bölməsindən digər xəbərlər

Daha çox