AZ

Azərişıq ermənilərin Gəncədə dağıtdığı əraziyə yeni xətt çəkəcək

896
17.10.2020 19:15

Bu gün Azərişıq ASC-nin sədri Vüqar Əhmədov Gəncə şəhərində olub və Ermənistan silahlı qüvvələrinin hücumu nəticəsində dağıdılmış evlərə baş çəkib.


TED.az xəbər verir ki, V.Əhmədova hadisənin şəhərin elektrik enerjisi təsərrüfatına dəymiş ziyan barədə ətraflı məlumat verilib. Sədr isə öz növbəsində dəymiş ziyanın nəticələrinin tez bir zamanda aradan qaldırılması üçün ərazidə işləyən Azərişıq əməkdaşlarına tapşırıq və tövsiyələrini verib.


Həmçinin bildirilib ki, ərazini 24 saat fasiləsiz keyfiyyətli elektrik enerjisi ilə təchiz etmək üçün əraziyə yeni yüksəkgərginlikli xəttin çəkilişi nəzərdə tutulur.


Qeyd edək ki, hadisə yerində Vüqar Əhmədovla birgə Azəriqaz İstehsalat Birliyinin baş direktoru Ruslan Əliyev də olub.


Xatırladaq ki, oktyabrın 17-də Ermənistan silahlı qüvvələrinin Gəncə şəhərini ağır artilleriya silahlarından atəşə tutması nəticəsində 14 nəfər həlak olub, 47 nəfər yaralanıb.

DÖYÜŞ bölməsindən digər xəbərlər

Daha çox