Türkiyə Sənaye və Texnologiya naziri Mustafa Varank Yerli və Milli 5G Rabitə Şəbəkəsi layihəsi çərçivəsində dövlət və özəl iş birliyi ilə kritik komponentlərin inkişaf etdirilməsini hədəf aldığını ifadə edərək, "5G şəbəkəsi ilə əlaqəli yerli və milli istehsalın təşviqi üçün tədbirlər görürük" deyib.

TED.az xəbər verir ki, Yerli və Milli 5G Rabitə Şəbəkəsi layihəsi çərçivəsində hazırlanan "TR713-7Ghz Radiolink"in demosu nazir Varankın iştirakı ilə Ostim Teknoparkda sınaqdan keçirilib.

Layihənin vacib bir hissəsi olan radiolinkin testini müvəffəqiyyətlə həyata keçirdiklərini ifadə edən Varank, radiolinkin fiziki olaraq bir-birinə bağlanması mümkün olmayan baza stansiyaları kimi strukturları radiofrekanslarla bağlayaraq uzun məsafələrə yüksək məlumat ötürülməsinin təmin edildiyini söyləyib: "4G şəbəkəsinə uyğun ULAK yerli baza stansiyaları hazırda yerli və milli olaraq istehsal olunur, ölkəmizdə də istifadə olunur. 5G şəbəkəsi ilə əlaqədar yerli və milli istehsalın təşviqi üçün tədbirlər də görürük. Nəqliyyat və İnfrastruktur Nazirliyi və BTK-nın mühüm qərarları var. Xüsusilə qarşıdakı dövrdə yerli və milli 5G məhsullarını istehsal edə biləcəyik. Bu gün əhəmiyyətli bir addım atdıq. Uğurlu bir test etdik, 4K videoların 12 kilometrdən müvəffəqiyyətlə gəldiyini gördük".