Jurnalist, hərbi ekspert Rəşad Süleymanov Ordumuzun işğal olunmuş torpaqlarımızın azad edilməsi uğrunda apardığı haqlı mübarizəsini şərh edərkən nəticədən yaranacaq bəzi məqamlara diqqət çəkib. Ekspert işğalçı Ermənistan üzərində parlaq qələbəmizin ölkə olaraq bizə bir sıra üstünlüklər verəcəyini qeyd edib.

TED.az ekspertin fikrincə, qazanmaq astanasında olduğumuz həmin üstünlükləri təqdim edir:

- Bu müharibə ilə Azərbaycan regionda hərbi gücünü isbatlamış dövlətə çevriləcək;

- Bütün qonşularımız, eləcə də bölgədə marağı olan qüvvələr bizimlə hesablaşmağa məcbur olacaqlar;

 - Regionun hərbi-siyasi mənzərəsi bizim iştirakımızla müəyyən ediləcək;

- Mərkəzi Asiya, Cənub Şərqi Avropa ölkələri bizdən nələrisə öyrənməyə çalışacaqlar. Bizim bu müharibəmiz gələcəyin müharibə doktrinalarında dəyişiklik edəcək;

- Hərbi sənaye kompleksimizin məhsullarına dünya bazarında böyük tələb yaranacaq.