"İnsanların VPN-lərdən istifadəsi Microsoft Teams, Zoom kimi onlayn tədris platformalarının işinə maneə yaradır".

TED.az xəbər verir ki, bu sözləri distant tədrislə əlaqədar keçirilən brifinqdə təhsil naziri Emin Əmrullayev deyib.

Nazir bildirib ki, qərarın icrası müəyyən çətinliklər yaradacaq, amma artıq bu istiqamətdə təcrübə var: "Vəziyyətin mürəkkəbliyini nəzərə alaraq tədris onlayn olacaq. Bunun üçün hazırlıq işləri görülüb. Onlayn tədris platformalarının fəaliyyətinin bərpası istiqamətində işlər görülüb. Həmin platformaların işləməsi üçün müvafiq testlər aparılıb. İnternetin keyfiyyəti ilə bağlı problem var, insanların VPN-lərdən istifadəsi Microsoft Teams, Zoom kimi onlayn tədris platformalarının işinə maneə yaradır. Həmin platformalar VPN-siz işləyəcək. VPN platformaların işinə problem yarada bilər. Diqqətinizə çatdırıram ki, insanlar bunu nəzərə alsınlar".

Lamiyə SÜLEYMANLI