Azərbaycanda silsilə təlimlər həyata keçirən Amerika Birləşmiş Ştatlarının Beynəlxalq İnkişaf Agentliyi (USAID) növbəti təlimə - Data jurnalistikası təliminə start verib.

Belə ki, Ülvi İsmayılın təşkilatçılığı ilə 02 iyul - 05 iyul tarixləri arasında keçirilən təlimdə 20-dən çox media nümayəndəsi, həmçinin, Jurnalistika fakültəsinin tələbəri iştirak edib.

Təşkilatçı Ülvi İsmayıl TED.az-a açıqlamasında bunları bildirib: “Təlimçilər iştirakçılarla nəzəri və praktik bilgilərini bölüşüblər. Təlimin məqsədi data jurnalistika sahəsinin inkişafını təmin etmək və bu sahəylə bağlı iştirakçıları məlumatlandırmaqdır”.

Təlimin iştirakçılarından olan Jurnalistika fakültəsi III kurs tələbəsi Pəri Abbaslı təəssüratlarını bölüşərək təlimi yüksək qiymətləndirib: “Biz bu təlimdə nəinki nəzəri, həmçinin, praktiki məlumatlara yiyələnirik”.

Məlumat üçün bildirək ki, təlimi uğurla bitirən iştirakçılar sertifikatla mükafatlandırılacaqlar.

Qeyd edək ki, USAID 08-10 iyul tarixlərində yeni bir təlimə start verəcək. Bu təlim isə online media materiallarının montajı mövzusuna həsr olunacaq.

Fidan Esed