Windows əməliyyat sisteminin olduğu kompüteri sürətləndirmək üçün lazımsız proqramları silmək və sistemin başlanğıc parametrlərini dəyişdirmək lazımdır.

TED.az xəbər verir ki, bu barədə Business Insider nəşri məlumat yayıb.

Qeyd olunub ki, Windows kompüterlərinin sürəti çox sayda lazımsız və səhv parametrlərə görə tez-tez aşağı düşür. Hər şeydən əvvəl mütəxəssislər sistemin işə düşməsi ilə açılan proqramların siyahısını azaltmağı tövsiyə edirlər.

Bunu etmək üçün "Tapşırıq Meneceri"ni açmaq və uyğun hissədə bəzi tətbiqlərin fəaliyyətini dayandırmaq lazımdır. Həmçinin, istifadəçinin vaxtaşırı yararlandığı bütün proqramları silmək və kompüterdə virusları tam təmizləmək məsləhət görülür.

Sistemin vizual dizaynı böyük əhəmiyyətə malikdir. Bu baxımdan Windows-un inkişaf etmiş parametrlərinə keçməyi və xüsusi effektlərin əksəriyyətini söndürməyi də tövsiyə edirlər.

Bundan əlavə, kompüteri sürətləndirmək üçün, pəncərələrin şəffaflıq effektinin azaldılması vurğulanır. Bu parametr əsas sistem parametrlərinin "Fərdiləşdirmə" hissəsində yerləşir.