Sosial şəbəkələr vasitəsilə telefon nömrəsinin sahibi barədə hansı məlumatları öyrənmək mümkündür?

24.11.2020 12:37

Son statistik məlumatlara görə, dünyada, eləcə də Azərbaycanda sosial şəbəkə istifadəçilərinin sayı getdikcə artmaqdadır. Mütəxəssislərin fikrincə, bu artım tempi növbəti illərdə daha da yüksələcək. Məlum olduğu kimi, sosial şəbəkə platformaları vasitəsilə istifadəçi haqqında müəyyən məlumatları əldə etmək mümkündür.

Məsələn, istifadəçi şəxsin tam adı, yaşayış yeri, doğum tarixi, iş və ya təhsil yeri, dostları və qohumları, tez-tez olduğu yerlər, maraqları və üstünlükləri haqqında.

Maraqlıdır, bəs sosial şəbəkələr vasitəsilə telefon nömrəsinin sahibi barədə hansı məlumatları öyrənmək mümkündür?

Bununla bağlı TED.az-a danışan Sosial media üzrə mütəxəssis Orxan Rzayev bildirib ki, sosial şəbəkələr vasitəsilə telefon nömrəsinin sahibi barədə yalnız sosial media hesabını tapmaq mümkündür: "Sosial media istifadəçisi şəxsi hesabında hansı paylaşımları "public" şəklində edirsə, həmin məlumatları telefon nömrəsi vasitəsilə tapmaq olur. Sosial şəbəkə üzrəindən telefon nömrəsi vasitəsilə hansısa xüsusi məlumatı əldə etmək mümkün deyil".