AZ

Cənubi Koreya Feysbuk şirkətini cərimələdi - SƏBƏB 

 

43b7dd72905a7543cd06159b0fb9600c.jpg
26.11.2020 10:38

Cərimənin məbləği 6,1 milyon dollardır. 

 

Cənubi Koreyanın Şəxsi Məlumatı Qoruma Komissiyası (PIPC) istifadəçi məlumatlarını istifadəçinin razılığı olmadan açıqladığı üçün Feysbuka təxminən 6,1 milyon dollar pul cəzası kəsib.

 

TED.az xəbər verir ki, istifadəçi məlumatlarını qanunsuz yayma ilə bağlı Yerli Rabitə Komissiyası 2018-ci ildə istintaq başlayıb və bir neçə ay əvvəl PIPC-yə göndərib.

 

Agentlik 2012-ci ilin mayından 2018-ci ilin iyun ayına qədər sosial şəbəkənin 3,3 milyon Cənubi Koreyalı istifadəçinin (ümumi 18 milyondan) şəxsi məlumatlarını istifadəçilərin razılığı olmadan digər şirkətlərə ötürdüyünü müəyyən edib. 

 

Şəxslərin adları, ünvanları, doğum tarixi, iş təcrübəsi və digər detalların paylaşıldığı bildirilir. Agentliyin məlumatına görə, sosial şəbəkə bu məlumatları "10.000 digər şirkətlə" paylaşa bilər. 

 

Feysbuk məsələ ilə bağlı açıqlama vermədiyi üçün ötürülən məlumatların dəqiq sayı məlum deyil. Nəticədə, tənzimləyicilər Feysbuku natamam və səhv məlumatlar verməkdə günahlandırıblar.

 

Şirkət isə bu iddiaları "istintaqla tam əməkdaşlıq etdiyini" söyləyərək rədd edib.

Dünya bölməsindən digər xəbərlər

Daha çox