Məlum olduğu kimi, prezidentin 14 yanvar 2019-cu il tarixli fərmanına əsasən Mənzil İnşaatı Dövlət Agentliyinin (MİDA) sərəncamında olan mənzilləri ipoteka krediti hesabına ödəniş üsulu ilə yalnız ilkin razılıq qərarını almış və “Güzəştli mənzil” sistemindəki elektron kabinetində yerləşdirilməsini təmin etmiş şəxslər seçə bilərlər.

TED.az xəbər verir ki, buna əsasən də Azər Türk Bank müştərilərinin rahatlığı üçün, ilkin razılıq qərarının alınması üçün müraciəti elektron qaydada həyata keçirir.

Azər Türk Bankın rəsmi “Facebook” səhifəsində qeyd olunub ki, filiala yaxınlaşmadan bu linkə daxil olaraq Azər Türk Bank tərəfindən "MİDA" MMC xətti ilə güzəştli ipoteka kreditlərinin verilməsi layihəsi üzrə ilkin razılıq qərarının alınması üçün onlayn müraciət göndərə bilərsiniz.

İlkin razılıq qərarını almaq istəyən şəxs  bankın rəsmi internet səhifəsində yerləşən “MİDA” MMC xətti ilə güzəştli ipoteka kreditləri (http://atb.az/mida) bölməsinə daxil olaraq müraciətini elektron formada asanlıqla banka yönləndirə bilər. İstifadəçinin müraciətindən sonra ilkin razılıq qərarı bank tərəfindən onun elektron kabinetinin müvafiq bölməsində yerləşdirilir. Daha sonra istifadəçi bu bölməyə daxil olur və həmin qərarı elektron qaydada imzalayır.

Bu barədə daha ətraflı məlumatı www.azerturkbank.az saytından, bankın sosial şəbəkələrdəki rəsmi korporativ səhifələrindən, WhatsApp (055) 777 0 945, yaxud (012) 945 nömrəli Məlumat Mərkəzindən əldə edə bilərsiniz.