Mobil analitik şirkəti “App Annie” 30 ölkədə 11 fərqli sektoru əhatə edən “Mobilin vəziyyəti”  (“State of Mobile 2021”) başlıqlı ənənəvi hesabatını açıqlayıb. Bu hesabat media menecerlərinin də diqqətlə, çox yaxından izlədiyi araşdırmaların başında gəlir. 

TED.az xəbər verir ki, araşdırmaya görə, mobildə növbəti üç ildə gözlənilən keçid pandemiyaya görə, bir ildə baş verib və mobil xərclər də, qazanclar da artıb. Mobildə keçirilən vaxt TV-də keçirilən vaxtı ötüb. Məsələn, mobil ABŞ-da 8% fərqlə TV-ni qabaqlayır.

TikTok bir ildə o qədər böyüyüb ki, sosial şəbəkə bazarında lider olub. Bir TikTok istifadəçisinin sərf etdiyi vaxt Feysbuk, İnstaqram və WhatsApp-ı geridə qoyub. Mobil video baxışına ayrılan müddət bir ildə 40% artıb. YouTube və Netflix bu bazara liderlik edir.

Mobildən əldə olunan qazanc zirvəyə çıxıb. Mobil tətbiq hazırlayanların 25%-i 2 milyon dollardan çox pul qazanıb. Mobil reklam xərcləri 26% artıb.