Elektromobil istehsalçısı Tesla oğurluq hadisəsi ilə gündəmə gəlib. Tesla ilə əməkdaşlıq edən bir mühəndisin şirkətin vacib proqram təminatını oğurladığı iddia edilir. İddiaya görə mühəndis işə götürüldükdən bir neçə gün sonra proqramı oğurlayıb.

TED.az xəbər verir ki, Electrek-in hesabatına görə, EV istehsalçısı mühəndis Alex Xatilovu  işə başladıqdan üç gün sonra alış və digər sistemlərin avtomatlaşdırılması üçün istifadə olunan Warp Drive proqramını oğurladığı üçün məhkəməyə verib. Həmçinin Xatilovun şəxsi Dropbox hesabına minlərlə nüsxə köçürdüyü də aşkarlanıb.

Mühəndis Xatilovun digər hansı şəxs və ya qurumlarla əlaqəli olduğu məlum deyil. 

Qeyd edək ki, məhkəmə Tesla-nı digər sənəd və proqram təminatının da paylaşıla biləcəyi barədə xəbərdar edib.