Beynəlxalq marka dəyərləndirmə qurumu Brand Finance tərəfindən dünyanın ən bahalı brendlərinin siyahısı hazırlanıb. 

TED.az xəbər verir ki, siyahıya 263,4 milyard dollar marka dəyəri ilə texnologiya nəhəngi Apple başçılıq edir. 

İkinci pillədə 254,2 milyard dollar marka dəyəri ilə onlayn ticarət platforması Amazon yer alıb. Üçüncü yerdə isə 191,2 milyard dollar dəyərlə internet nəhəngi Google var. 

Microsoft 140,4 milyard dollarla 4-cü, Samsung 102,6 milyard dollarla 5-ci, Walmart 93,2 milyard dollarla 6-cı, Feysbuk 81,5 milyard dollarla 7-ci, ICBC 72,8 milyard dollarla 8-ci, Verizon 68,9 milyard dollarla 9-cu, WeChat 67,9 milyard dollarla 10-cu sırada yer alır. 

Maraqlı burasıdır ki, ilk onluqda yer alan şirkətlərdən 8-i texnologiya nəhəngidir. 

Qeyd edək ki, siyahıya başçılıq edən Apple 2016-cı ildən bəri ilk dəfə Amazon-u geridə qoymağı bacarıb.