AZ

Xiaomi Mi11 Pro-nun yeni görüntüləri yayımlandı

e47ecaedb13e10d4ff9c6352f3f39c11.jpg
26.01.2021 22:46

Xiaomi Mi11 Pro smartfonunun yeni görüntüləri yayımlanıb. 


TED.az Türkiyə KİV-nə istinadən xəbər verir ki, cihaz Snapdragon 888 prosessorundan güc alacaq. Bundan başqa, telefonun arxa tərəfinin görüntüsü də dəqiqləşib. Smartfonun arxasında 4 kamera yer aldığı məlum olub. 


İddiaya görə, cihaz 120Hz yeniləmə sürətinə və 480Hz toxunma həssaslığına, 6,81 düymlük ekrana, 3200×1440 görüntü imkanına və 515 PPI piksel sıxlığına sahib olacaq. Ekran, eyni zamanda DCI-P3 dəstəyinə malikdir. 1500nit-lik parlaqlıq göstəricisi ilə ən yüksək rəng aralığına sahib "ağıllı" telefon ünvanını daşıyacaq. 


120W kabelli, 80W kabelsiz sürətli enerjiyığma texnologiyasına, 16 GB əməli yaddaşa ev sahibliyi edəcək modeldə 50 Mp-lik əsas kamera da olacaq. Buna 120x rəqəmli yaxınlaşdırma gücü olan Telefoto obyektli köməkçi və nisbətən daha kiçik ölçülü üçüncü kamera yoldaşlıq edəcək.

Texnologiya bölməsindən digər xəbərlər

Daha çox
<-- scroll reklam -->