Mobil oyun biznesinin həcmi ötən il rekord - 26% artaraq, 86 milyard dollara çatıb.

TED.az xəbər verir ki, bu barədə sosial media üzrə mütəxəssis Orxan Rzayev Feysbuk hesabında məlumat yayıb.

Bildirib ki, adını eşitmədiyimiz xeyli oyun var ki, ötən il 100 milyon dollar gəlir əldə edib. Bu məbləğ sıfırdan qurulan bir oyun studiyasının 5 sonra çata biləcəyi illik gəlir hədəfidir: "Ötən il Microsoft-un ZeniMax-ı 7 milyard dollara alması oyun sektorunun ən böyük hadisəsi oldu. Həmçinin ABŞ nəhəngi Zynga-nın türk oyun şirkəti Peak Games-i 1.8 milyard dollara alması da qlobal müstəvidə danışılan hadisələrdən oldu. Bu hadisədən sonra keçən 6 ayda Türkiyədə oyun sektorunda fantastik sıçrayış oldu. Hər həftə azı oyuna fokuslanan bir investisiya şirkətinin, paralel olaraq 3-4 oyun studiyasının yarandığını eşitmək olur. Hazırda Eleven Kings-lə danışıqlar aparan şirkətlərin də 80%-i də məhz Türkiyədəndir. Qardaş ölkə yaxın illərdə dünyanın ən böyük oyun ixracatçısına çevrilə bilər".

HƏMÇİNİN OXU: Azərbaycanda mobil oyunlar üçün ən uyğun smartfon - MÜTƏXƏSSİS

Mütəxəssis bir neçə siyahı da paylaşıb: "2020-də ən çox gəlir əldə edən TOP 3 şirkət:

-Tencent - $7 milyard;

-NetEase - $3 milyard;

-Playrix - $2.4 milyard.

2020-də ən çox gəlir gətirən TOP 3 oyun:

-PUBG Mobile - $2.6 milyard;

-Honor of Kings - $2.4 milyard;

-Pokemon Go - $1.2 milyard.

2020-də oyun biznesindən ən çox gəlir əldə edən TOP 3 ölkə:

-ABŞ - $21 milyard;

-Yaponiya - $16.4 milyard;

-Çin - $13.5 milyard".