AZ

İlk “Nvidia” prosessoru buraxılıb

13954a9653c2e2568b03454933d144c0.jpg
15.04.2021 11:44

"Nvidia" şirkəti superkompüterlər üçün ilk prosessor təqdim edib. Bu barədə şirkətin saytında deyilir.

 

TED.az xəbər verir ki, təqdimat "Nvidia GTC 2021 Keynote" tədbirində baş tutub. "Grace" adlanan yeni prosessora trilyonlarla tranzistor daxildir və superkompüter və data mərkəzləri ilə iş üçün nəzərdə tutulub. "Nvidia" qrafik prosessoru ilə iş zamanı yeni çip "Nvidia DGX" əsasında kompüter stansiyalarından 10 dəfə çox məhsuldarlıq nümayiş etdirir.

 

Buraxılan prosessor məlumat ötürmə sürətini saniyədə 900 giqabit səviyyəsində təmin edən dördüncü nəsil "NVLink" arabağlantısı texnologiyasını dəstəkləməsi ilə seçilir. Həmçinin avadanlıq serverin buraxılış qabiliyyətini 30 dəfə artırmağa imkan verir. "Grace" prosessoru "DDR4" standartlı yaddaşla müqayisədə 10 dəfə çox enerji səmərəliliyinə təminat verən "LPDDR5x" altsistemi üzərində qurulub.

 

Komponentin qiyməti açıqlanmasa da, onun geniş istifadəçi kütləsi üçün nəzərdə tutulmadığı bildirilir. İsveçrə superkompüter mərkəzi və ABŞ-ın Los Alamos Milli Laboratoriyası yeni prosessoru əldə etmək niyyətindədir. "Nvidia Grace" prosessorunun tədarükü 2023-cü ilə planlaşdırılır.

Texnologiya bölməsindən digər xəbərlər

Daha çox