Dövlət satınalmaları üçün vahid internet portalı (www.etender.gov.az) dövlət satınalmalarının effektiv planlaşdırılması və icrasına imkan verir.

TED.az xəbər verir ki, yeni portal vasitəsilə tender komissiyası iclaslarının virtual təşkili, satınalma nəticələrinin avtomatik rejimdə müəyyən olunması və qərarın bir iş günü ərzində qəbul edilməsi mümkündür.

Portal vasitəsilə tenderləri daha çevik formada keçirmək mümkündür. Satınalma predmeti tenderdə elan olunduğu zaman, sistem tərəfindən maraq dairəsinə uyğun malgöndərənlərə avtomatik rejimdə bildiriş göndərilir. Təqdim olunmuş təkliflər, virtual iclas keçirilənə qədər, sistem tərəfindən şifrələnmiş formada saxlanılır. Kağız daşıyıcılara və resurslara qənaət ilə tenderin keçirilməsi üçün tələb olunan xərclər azalmış olur.