Dünyanın ən zəngin iş adamlarından biri və Microsoft-un qurucusu Bill Qeyts arzuladığı işi açıqlayıb. 

Microsoft-un qurucusu Bill Qeyts süni intellekt texnologiyalarının artan əhəmiyyətinə diqqət çəkib. Məşhur iş adamı CNBC-yə verdiyi müsahibədə yeni bir iş quracağı təqdirdə proqram sahəsinə deyil, süni intellektə əsaslanan təşəbbüsə diqqət yetirmək istəyəcəyini bildirib.

O, süni intellekt sahəsinə qoyulan investisiyaların böyük diqqət çəkdiyini və yalnız bir neçə innovativ ideya ilə yeni bir süni intellekt şirkəti quraraq milyardlarla dollar qazana biləcəyini bildirib. PitchBook-un məlumatlarına görə, bu il süni intellekt startapları 26 milyard dollardan çox investisiya əldə ediblər. Bununla belə, Qeyts bu sahədə uğur qazanmağın sirrinin başqalarından fərqli baxışa malik olmaq və innovativ həllər hazırlamaqda olduğunu bildirib.