Dünyanın ən böyük avtomobil istehsalçılarından biri olan Tesla uzun illərdir ki, robot taksi layihəsi üzərində işləyir. Elon Musk əvvəlcə çox gözlənilən bu avtomobilin avqust ayında təqdim ediləcəyini söyləmişdi. Lakin sonradan bildirilib ki, avtomobilin konstruksiyasında dəyişikliklər edildiyi üçün onun oktyabr ayına təxirə salınıb.

Teslanın robot taksisini nə vaxt təqdim edəcəyi maraqla qarşılansa da, şirkətdən gözlənilən açıqlama dünən axşam gəldi. Avtomobil nəhəngi oktyabrın 10-da tədbir təşkil edəcəyini açıqlayıb və mətbuat mənsublarına dəvətlər göndərilib.

“Avtonom texnologiyalar gələcək olacaq”

Şirkət dəvətdə qeyd edib ki, Los-Ancelesdə keçiriləcək tədbir “Mən, Robot” adlanacaq. 

Onun tam avtonom avtomobil kimi çıxacağı proqnozlaşdırılır. Onun sükansız və pedalsız olacağı barədə şayiələr var. Onun dizaynında Cybertruck-a bənzər qeyri-adi elementlərin ola biləcəyi təxmin edilir. Bir neçə həftə əvvəl robotaksi olduğu deyilən kamuflyajlı avtomobilin sınaqdan keçirildiyi görülüb. Həmin görüntülər də onun maraqlı dizaynla gələ biləcəyi ehtimalını artırıb.