YouTube və SESAC arasında lisenziya müqaviləsinin müddəti başa çatıb. Belə ki, dünya şöhrətli müğənnilərin mahnıları YouTube-da əlçatmaz olub.

Dünyanın ən populyar onlayn video platforması olan YouTub-da Adele, Green Day və Bob Dylan kimi dünyaca məşhur müğənnilərin də daxil olduğu bir çox musiqi platformadan yoxa çıxmağa başlayıb. Bəs ABŞ-dəki istifadəçilərə təsir edən bu vəziyyətin səbəbi nə idi?

ABŞ-də yerləşən SESAC təşkilatı ilə YouTube arasında lisenziya müqaviləsi var idi. Bu lisenziya müqaviləsi dünya şöhrətli müğənnilərin əsərlərinin YouTube-da yayımlanmasına imkan verirdi. Bu lisenziyanın müddəti artıq başa çatıb. Tərəflərin fikir ayrılığı səbəbindən SESAC tərəfindən qorunan mahnılar YouTube-da səsləndirilə bilməyib.

Mahnını açan istifadəçilər xəbərdarlıq görürlər

Şəkildə nümunəvi bir mahnı görürsünüz. Adelin "Someone Like You" mahnısını dinləmək üçün YouTube-a girən ABŞ-dən bir istifadəçi "Bu video SESAC-ın məzmununu əhatə edir. Ölkənizdə istifadə oluna bilməz" kimi bildiriş görüb. Üstəlik, YouTube Premium abunəçiləri də bu vəziyyətlə qarşılaşıb.

Hələlik heç kim YouTube və SESAC rəsmiləri arasında danışıqların necə davam etdiyini bilmir. Buna görə də sözügedən mahnıların yenidən nə vaxt əlçatan olacağı bəlli deyil. Tərəflər razılığa gələndə problem aradan qalxacaq.