Günəş enerjisi ilə işləyən “Skydweller” PUA-sı 22,5 saat havada qalıb

30.10.2024 17:57

ABŞ-də yerləşən İspaniya aerokosmik şirkəti “Skydweller Aero” “Skydweller” adlı günəş enerjisi ilə işləyən Pilotsuz Uçuş Aparatının (PUA) 22,5 saat fasiləsiz uçduğu bir sınaq da daxil olmaqla, çoxlu sayda ekipajsız uçuş sınaqlarını tamamlayıb.

TED.az xəbər verir ki, “Skydweller” PUA-sı yalnız günəş enerjisindən istifadə edərək uçacaq şəkildə dizayn edilib və bir həftəyə qədər davam edən missiyaları yerinə yetirməsi hədəflənib.

Ultra yüngül karbon lifindən hazırlanmış PUA-nın qanadlarının uzunluğu 72 metr, çəkisi isə 2550 kiloqramdır.

Sınaqlar Missisipi ştatının Kiln şəhərindəki Stennis beynəlxalq hava limanında aparılıb. PUA-nın inkişafında ABŞ hökuməti tərəfindən maliyyələşdirilən investisiyalar mühüm rol oynayıb.

“Skydweller”lər hava məkanında patrul xidməti həyata keçirmək, dəniz fəaliyyətlərini izləmək və kəşfiyyat missiyalarını yerinə yetirmək də daxil olmaqla, çoxsaylı missiyalar üçün istifadə olunacaq.

Çap et