Hindistan ABŞ ordusu üçün yarımkeçirici çiplər istehsal edəcək

31.10.2024 18:40

Hindistan ABŞ Kosmik Qüvvələrinin köməyi ilə ABŞ ordusuna və müttəfiq qüvvələrinə müdafiə sektoru üçün kritik çiplər istehsal edəcəyi ilk yarımkeçirici istehsal müəssisəsini quracaq.

TED.az xəbər verir ki, bu barədə xarici KİV-lər məlumat yayıb.

Hindistanın Baş naziri Narendra Modinin Delaver ştatında prezident Co Baydenlə görüşündən sonra dərc edilən birgə bəyanatda təfərrüatları verilən layihəyə görə, Hindistan ABŞ Kosmik Qüvvələrinin köməyi ilə ABŞ ordusuna və müttəfiq qüvvələrinə müdafiə sektoru üçün kritik çiplər istehsal edəcəyi ilk yarımkeçirici istehsal müəssisəsini quracaq.

Məlumata görə, müəssisə bu qabaqcıl sektorlar üçün həyati əhəmiyyət kəsb edən infraqırmızı, qallium nitridi və silisium karbid yarımkeçiricilərinin istehsalına diqqət yetirəcək.

Layihə Hindistan ordusunun müvafiq bölmələri, “3rdiTech” və ABŞ Kosmik Qüvvələri ilə əməkdaşlıq çərçivəsində həyata keçiriləcək və obyektin həm Hindistan, həm də ABŞ-nin təhlükəsizlik ehtiyaclarını qarşılaması təmin ediləcək.

Çap et