Sahibkarların nəzərinə: E-satınalma ilə bağlı təlimlər keçiriləcək
Azərbaycan Respublikasının Kiçik və Orta Biznesin İnkişafı Agentliyi, Antiinhisar və İstehlak Bazarına Nəzarət Dövlət Agentliyi və Elektron Hökumətin İnkişafı Mərkəzinin birgə təşkilatçılığı ilə sahibkarlar üçün E-satınalma təlimləri keçiriləcək.
TED.az xəbər verir ki, təlimlərin məqsədi E-satınalma ilə bağlı prosedurlar, www.etender.gov.az vahid internet portalı və ondan istifadə barədə sahibkarların məlumatlandırılması, eləcə də portaldan istifadə zamanı yarana biləcək təşkilati-texniki məsələlərin səmərəli həll edilməsidir.
İlk təlimlər 22-24-26 iyul tarixlərində, saat 15:00-da KOBİA-nın inzibati binasında təşkil olunacaq.
Qeyd edək ki, təlimdə iştirak etməkdə maraqlı olan sahibkarlıq subyektləri müvafiq məlumatları (ad, soyad, təmsil etdiyi müəssisə, vəzifəsi və əlaqə telefonu) KOBİA-nın training@smb.gov.az ünvanına göndərməlidir.