Kia göz oxşayan nəqliyyat vasitələrindən biri olan Sorento modelinin yeni dizayn fotolarını paylaşıb. Paylaşılan görüntülərdə 2021 Kia Sorento-nun Optima K5-dən ilham aldığı görünür.

2021 Kia Sorento-nun gizli şəkilləri bu yaxınlarda yayılmışdı. TED.az xəbər verir ki, fotolar sızdıqdan qısa müddət sonra Kia rəsmi olaraq 2021 Sorento-nun fotoşəkillərini yayımlayıb. Avtomobilin xarici və daxili hissələrində edilən dəyişikliklər diqqət çəkir.

Avtomobil kəskin xətləri və əyilmiş dizaynı ilə fərqlənir. Yayımlanan fotolardan avtomobilin daxili dizaynı haqqında məlumat da əldə etmək olur. 2021 Kia Sorentonun daxili dizaynında Kia Telluride-dən yararlanıb. Ancaq xüsusilə ön panelin ortasındakı havalandırma sistemi daha aqressiv görünüş qazanıb.

2021 Kia Sorento-nun ön panelində 10,25 düymlük məlumat və əyləncə ekranı, 12,3 düymlük görüntü ekranı var. Ön panelin alüminium dizaynı bu iki ekranın daha çox diqqət çəkməsini təmin edir.

Kia Sorento 2021 dizaynını əks etdirən bir fotoşəkil yayımlayıb, lakin hələ də avtomobilin mühərrik komponentləri, xüsusiyyətləri və qiymətləri haqqında məlumat verilməyib. Avtomobil haqqında məlumatın martın 3-də Cenevrə Avtosalonunda açıqlanacağı gözlənilir.

Qeyd edək ki, satışı hazırda davam etdirilən Sorento 2020 dörd silindrli və ya V6 mühərrikə sahibdir.