Məşhur sosial platforma WhatsApp koronavirusla bağlı önəmli addım atıb.  

TED.az xəbər verir ki, #EVDƏQAL, #MƏSAFƏNİQORU  kimi sıx istifadə olunan sözlər "Evdə birlikdə" adı altında stikerlərlə ifadə olunub.

Ümumdünya Səhiyyə Təşkilatı ilə ortaq iş kimi yaradılan paket 21 stikerdən ibarətdir.

Stikerlərdə yataq geyimləri ilə evdən işləmək, əlləri yumaq, sosial məsafə saxlamaq kimi önəmli məsələlər vurğulanır. 

Hazırda istifadəyə verilən stikerlər ərəbcə, ispanca, türkcə, fransızca, almanca, italyanca, rusca nəzərdə tutulub. Yeni stikerlərdən istifadə etmək üçün WhatsApp-da stikerlər bölümünü açmaq, sağda yerləşən "+" işarəsinə  vuraraq onları yükləmək lazımdır.