AZ

Elon Musk ilk addımı atdı: Crew Dragon BKS yolunda

 

c338ee02fd98649d983ec232044d2d72.jpg
30.05.2020 23:59

Milyarder Elon Muskun sahibi olduğu SpaceX şirkətinin “Crew Dragon” kosmik gəmisini daşıyan Falcon 9 raketi NASA-nın iki astronavtı ilə bərabər Beynəlxalq Kosmik Stansiyaya doğru start götürüb. 

 

TED.az Rusiya mətbuatına istinadən xəbər verir ki, start NASA-nın YouTube kanalında canlı yayımlanıb. 

 

Kosmik gəmidəki NASA astronavtları Daqlas Hyorli və Robert Benkendir.

 

Qeyd edək ki, start ikinci cəhddən sonra uğurlu olub. Uçuş mayın 27-nə planlaşdırılsa da, əlverişsiz hava şəraitinə görə təxirə salınıb.

 

NASA-nın 1986 və 2003-cü ildəki insan həyatı bahasına başa gələn kosmik missiyalarından sonra qurumun insanlı uçuş proqramlarına son verilmişdi. Ancaq Elon Musk sahibi olduğu SpaceX şirkəti vasitəsilə bu vəziyyəti dəyişməyə çalışır. 

 

NASA artıq SpaceX-də 48 astronavtı BKS-yə aparacaq 12 kosmik uçuş üçün 2,5 milyard dollarlıq rezervasiya edib. Yəni adambaşına SpaceX-ə 50 milyon dollar ödəniş ediləcək. Hazırda NASA Rusiyaya adambaşına uçuş üçün 80 milyon dollar ödəyir. 

Dünya bölməsindən digər xəbərlər

Daha çox