Ralli həvəskarlarının maraqla gözlədiyi F1-2020 oyunu test görüntülərilə gündəmə gəlib. 

TED.az Türkiyə mətbuatına istinadən xəbər verir ki, oyunda Azərbaycan Qran Prisindəki görüntülərdən istifadə edilib. 

Hələlik istehsalı tam yekunlaşmayan oyundan yarış anını göstərən videoçarx yayımlanıb. Videoda Alfa Romeo pilotu Antonio Giovinazzi tərəfindən idarə edilən bolid seçilib. Yarış maşını Bakı küçələrində şütüyür. 

Oyunun xüsusiyyətlərində ilk növbədə “Mənim komandam” yeniliyi gözə çarpır. Çünki yeni oyunla birlikdə komanda kapitanı olmaq imkanı təqdim ediləcək. Football Manager-ə bənzərliyi olan rejimdə oyunçular öz komandalarını idarə edəcək, istədikləri pilotları transfer imkanından yararlanacaqlar. 

Bundan başqa, klassik “Karyera” rejimi də olacaq. Oyunçular 22 yarışlıq “bütöv mövsüm” yaxud 10-16 yarışlıq qısa oyunları seçə biləcəklər.

Oyunun iyulun 10-da təqdim ediləcəyi bildirilir.