AZ

"Rəqəmsal Jurnalistikaya doğru” proqramının qalibləri bəlli oldu 

 

b3c082cfc50c558561b72f89eab390ab.png
08.07.2020 13:32

Bu gün “Rəqəmsal Jurnalistikaya doğru” proqramının bağlanış və mükafatlandırma mərasimi olub.

 

TED.az xəbər verir ki, ZOOM platforması üzərindən keçirilən mərasimdə yazı müsabiqəsinin münsiflər heyəti tərəfindən seçilən qalibləri elan olunub. Birinci yerə "Pandemiyanın dərmanı - Xidmətlərin elektronlaşdırılmasıdır" adlı yazı ilə TED.az portalının baş redaktoru Rəşad Cəfərov layiq görülüb. İkinci yerin sahibi "Əşyaların interneti həyatımızı necə dəyişir?" yazısı ilə Anzulə Pərvizqızı, üçüncü yerin sahibi isə ""Nağdsız Azərbaycan"a doğru" adlı yazısı ilə Fərman Nəbiyev olub.

 

Bağlanış mərasimində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev çıxış edib. Mərasimdə həmçinin proqramın təlimçiləri Elektron Hökumətin İnkişafı Mərkəzinin rəhbəri Fariz Cəfərov, Microsoft Azerbaijan şirkətinin baş meneceri Qaçay Mirzəyev və digərləri də iştirak ediblər.

 

Qeyd edək ki, yazı müsabiqəsi üçün göndərilən məqalələr arasından nisbətən daha qısa olan, bloq formatına uyğun gələnlər digital.gov.az veb-səhifəsinin "Bloqlar" bölməsində dərc edilib.

 

TED + bölməsindən digər xəbərlər

Daha çox