AZ

Azərbaycanda neçə məhkum koronavirusa yoluxub? - RƏSMİ AÇIQLAMA 

7eff807560c9dd7d6c6fafe89ddc5059.jpg
10.07.2020 21:22

"Bu günədək ədliyyə sistemində çalışan şəxslərdən və məhkumlardan 13 minədək test nümunələri götürülüb". 


TED.az xəbər verir ki, bunu Ədliyyə Nazirliyinin İnsan hüquqları və İctimaiyyətlə əlaqələr idarəsinin rəisi Aynur Sabitova öz Feysbuk səhifəsində yazıb. 


O qeyd edib ki, aparılmış kütləvi test müayinələri nəticəsində cəmi 18 nəfərdə, o cümlədən, 4, 12 və 14 saylı cəzaçəkmə müəssisələrində saxlanılan məhkumlarda virusun göstəriciləri pozitiv çıxıb: "Həmin şəxslər dərhal izolyasiya olunub və xüsusi müalicə müəssisinə yerləşdiriliblər. Bu tibb ocağı zəruri avadanlıq və dərman vasitələri, habelə xüsusi havalalandırma sistemi ilə təchiz edilib. 


A.Sabitova onu da vurğulayıb ki, hazırda virusa yoluxmuş məhkumların sağlamlıq durumu kafidir, ağır vəziyyətdə olan yoxdur: "Onların müalicəsi üçün müvafiq tədbirlər görülür və səhhətləri daim həkim nəzarətində saxlanılır. Virusa yoluxmuş məhkumlardan vaxtı çatmış 2 nəfər şərti azad olunaraq izolyasiya və müalicə üçün TƏBİB-ə təhvil verilib". 

 

Cavid QƏDİR

KORONAVİRUS bölməsindən digər xəbərlər

Daha çox