İsrail Müdafiə Nazirliyi və İsrail Aerokosmik Sənayesi “Ofek-16” kəşfiyyat peykini uğurla kosmosa buraxıb.

TED.az Rusiya mətbuatına istinadən xəbər verir ki, buraxılış “Şavit” işəsalma qurğusundan istifadə nəticəsində İsrailin mərkəzi hissəsində yerləşən kosmodromdan həyata keçirilib.

Müdafiə Nazirliyinin bəyanatına əsasən, “Ofek-16” qabaqcıl elektrooptik kəşfiyyat peykidir. Peyk sınaqlardan uğurla keçib.

Xatırladaq ki, İsrailin “Ofek-1” qrupuna məxsus ilk peyki 1988-ci ildə buraxılıb.