TikTok tətbiqi 50 milyard dollara satıla bilər
TikTok tətbiqi 50 milyard ABŞ dolları dəyərində qiymətləndirilir.
TED.az xəbər verir ki, TikTok-un alınmasında maraqlı olan investorlar tətbiqi 50 milyard dollar dəyərində qiymətləndiriblər. 2020-ci ilin yekunları üzrə şirkət mədaxilinin 1 milyard ABŞ dolları təşkil edəcəyi proqnozlaşdırılır.
Məlumata görə, TikTok-un sahibi olan ByteDance şirkəti ABŞ sanksiyalarının təzyiqi fonunda tətbiqdən imtina etmək üçün bir sıra variantları nəzərdən keçirir.
Qaynaqdan bildirilib ki, ByteDance hələ ki, heç bir qərarı qəbul etməyib. Şirkət vəziyyətlə bağlı şərh verməkdən imtina edib.
Qeyd edək ki, daha əvvəl ABŞ Xarici İnvestisiyalar Komitəsi (CFIUS) TikTok tərəfindən idarə olunan istifadəçilərin şəxsi məlumatlarının təhlükəsizliyi ilə bağlı narahatlığını ifadə etmişdir.