Tayvan saytlarından biri bir neçə gün əvvəl yayımlanan iOS 14 əməliyyat sisteminin kodlarını araşdıraraq Apple Watch funksiyasını sızdırıb. 

TED.az Türkiyə mətbuatına istinadən xəbər verir ki, iddialara görə, Apple Watch Series 6 modelində qandakı oksigen miqdarını ölçən sensor yer alacaq.

Apple Watch Series 4-də istifadəçilərə elektrokardioqrafiya funksiyası təqdim edilmişdi. Səhiyyə sahəsində müştərilərinə daha çox imkan yaratmağı hədəfləyən Apple növbəyi modelinə yeni xüsusiyyətlər əlavə etmək üçün hazırlıq aparır. 

Şirkətin ASE Technology adlı firma ilə bağladığı müqavilə nəticəsində qandakı oksigen miqdarını ölçən sensor yaratdığı deyilir. 

Qandakı oksigen miqdarı müəyyən səviyyədən aşağı olduqda istifadəçiyə xəbərdarlıq mesajı göndəriləcək. 

Yeni funksiyanın yalnız Series 6 modelində olub-olmadığı hələlik bəlli deyil.