Çin Kommunist Partiyasının Mərkəzi Komitəsindən bildirilib ki, sentyabr ayında video oyunlarda istifadəçi adların real olub-olmadığını yoxlamaq üçün dövlət səviyyəsində xüsusi sistem işə salınacaq.

TED.az xəbər verir ki, bu barədə “South China Morning Post” məlumat yayıb.

Məlumata görə, payızdan başlayaraq, Çinli istifadəçilər qeydiyyat zamanı real adlardan istifadə etməli və şəxsiyyət vəsiqəsində olan məlumatları qeyd etməlidirlər. Beləliklə, sistem yetkinlik yaşına çatmayanları tanıya və video oyunlara giriş imkanını məhdudlaşdıra bilər.

"18 yaşdan kiçik istifadəçilər video oyunlarda həftə içi 90 dəqiqədən çox vaxtını keçirməməlidir, həftə sonları isə şəbəkədə üç saatdan çox olmamalıdırlar", — deyə məlumatda vurğulanıb.