"Layihəmiz irəli getməyə başladı. "Helius" artıq ilk dəstəyini görüb".

Bunu TED.az-a açıqlamasında “Helius” layihəsi ilə birinci yerə sahib olan Arducoman komandasının üzvü Ayxan Qurbanov deyib.

"Azərbaycanın bir neçə böyük neft şirkəti proyektimizə dəstək verdi. Hazırda onlar bizə müxtəlif təlimlər keçirlər, dronları yığmaqda kömək edirlər. Şirkətlərlə birlikdə ortaq layihənin yaradılmasını düşünürük. Bu barədə planlarımız var. Yeniliklər çoxdur, yalnız hələ ki, bütün bunlar layihələrin demo versiyasıdır. Bir neçə ay ərzində yeniliklərimizi təqdim edəcəyik", — deyə A.Qurbanov bildirib.

Qeyd edək ki, bir qədər əvvəl Ekologiya və Təbii Sərvətlər Nazirliyi və BMT-nin İnkişaf Proqramı (BMTİP) mövcud su problemlərinə texnoloji həllər tapmaq və suyun həyati əhəmiyyəti ilə bağlı maarifləndirmə işinə dəstək vermək məqsədilə "Aquahack" onlayn hakaton yarışı keçirilmişdir. Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin də dəstəkçisi olduğu “Aquahack”-da “Arducoman” komandasının layihəsi ən yüksək bal toplayaraq qalib olmuşdur. “Helius” layihəsinin mahiyyəti günəş enerjisi vasitəsilə desterilizasiya edilmiş suyun alınmasından ibarətdir. 

Fatimə ZÜLFİQAR