İnstaqram sosial şəbəkəsinin sahibi olan Feysbuk şirkəti 15 saniyə davam edən musiqili videokliplərin yaradılıb korrektə edilməsinə imkan verən “Reels” adlı yeni servisini işə salıb.

TED.az xəbər verir ki, bu barədə Feysbukun mətbut xidməti məlumat yayıb.

Bu yenilik eynilə TikTok-dakı kimi musiqili və qısa videolar çəkməyə şərait yaradacaq. Videolar maksimum 15 saniyədən ibarət olacaq. Onları şəxsi qovluqda saxlamaq və ya hekayə bölümündə paylaşmaq mümkün olacaq. 

Funksiya bu həftə Meksika, İspaniya, Yaponiya, Argentina, Avstraliya və ABŞ daxil olmaqla, onlarla dövlətdə fəaliyyətə başlayacaq. Azərbaycan hələ ki, siyahıda yoxdur. 

Xatırladaq ki, İnstaqram bu xüsusiyyəti daha öncə Fransa, Almaniya, hətta ABŞ-da sınaqdan keçirib.

Onu da qeyd edək ki, ABŞ Prezidenti Donald Tramp TikTok tətbiqinin ABŞ-dakı biznesini satmadığı təqdirdə senyabrın 15-də "kommersiya fəaliyyətini dayandıracağını" bildirib.