“Vətəndaşlarımızın əksəriyyəti ölkəyə gətirilib. Harada vətəndaşlarımızın gərginliyi varsa, Azərbaycanın o ölkədəki səfirliyinə müraciət etsinlər”.

TED.az xəbər verir ki, bu sözləri Nazirlər Kabineti yanında Operativ Qərargahın brifinqində Prezidentin İqtisadi məsələlər üzrə köməkçisi Şahmar Mövsümov deyib.

O bildirib ki, dövlət xaricdəki vətəndaşlarının ölkəyə gətirilməsi üçün əlindən gələni əsirgəmir: “Bildiyim qədərilə, hazırda vətəndaşlarımız arasında ilk mərhələdə olan gərginlik yoxdur. Bu, onun nəticəsidir ki, qısa müddətdə böyük həcmdə işlər görülüb. Xüsusi reyslər təşkil olunub. Vətəndaşlar üçün ayrıca portallar yaradılıb və onlar qeydiyyatdan keçərək Azərbaycana gəliblər. Vətəndaşlarımızın əksəriyyəti ölkəyə gətirilib. Harada vətəndaşlarımızın gərginliyi varsa, Azərbaycanın o ölkədəki səfirliyinə müraciət etsinlər. Bunun əsasında müraciətləri təmin olunacaq. Qeyd edim ki, bu gün nəinki Gürcüstan, heç bir ölkədə belə gərginlik yoxdur”. 

Lamiyə SÜLEYMANLI