Qəbul imtahanları artıq yekunlaşıb. Subbakalavrların ali təhsil müəssisələrinə imtahansız qəbulu qaydalarına əsasən, kollec məzunları də ixtisas seçimi müsabiqəsində iştirak edəcəklər.

Maraqlıdır, bu günə qədər neçə subbakalavr ali təhsil müəssisəsinə imtahansız qəbul olunub?

Mövzu ilə bağlı TED.az-a danışan Dövlət İmtahan Mərkəzinin (DİM) İctimaiyyətlə əlaqələr və kommunikasiya şöbəsinin müdiri Xanlar Xanlarzadə bildirib ki, ötən il 3515 subbakalavr ali təhsil müəssisələrinə müsabiqədənkənar qəbul olunub.

Buraya boş qalan plan yerlərinə əlavə yerləşdirmə və qəbul olunanların ali təhsil müəssisələrinə qeydiyyatı məsələləri də daxildir. 

Həmçinin bildirilib ki, onlardan 581 nəfəri dövlət sifarişi əsasında təhsil almaq hüququ qazanıb.

Qeyd edək ki, 2020-2021-ci tədris ili üçün subbakalavrların ali təhsil müəssisələrinə ixtisas seçimi hələ başlanmayıb.

Lamiyə SÜLEYMANLI