Bu il təqdimatı gözlənilən Google Pixel 5-in çıxış tarixi açıqlanıb.

TED.az xəbər verir ki, ilkin məlumata görə, model bu il, sentyabrın 25-də təqdim ediləcək. Bir müddət sonra isə cihazın istifadəçilərin ixtiyarına veriləcəyi gözlənilir. 

Həmçinin Google Pixel 4a modelinin də Google Pixel 5 ilə eyni vaxtda satışa çıxarılacağı bildirilir. 

Google Pixel 5 modelinin satış qiymətinin 650, 5G dəstəkli Google Pixel 4a modelinin satış qiymətinin isə 500 dollar civarında olacağı bildirilir.

Qeyd edək ki, daha öncəki məlumatlarda 5G dəstəkli cihazın sentyabrın 30-da təqdim ediləcəyi vurğulanmışdı.