AZ

Google Fiber nədir - FAYDALIDIR

0
16.09.2020 10:10

Google Fiber Google tərəfindən 2010-cu ildə təqdim edilən fiber optik əsaslı, genişzolaqlı internet xidmətidir.

 

TED.az məlumat verir ki, Google Fiber layihəsi istifadəçilərə 2 Gb-ə qədər yüksək sürətli internet təklif edir. Google Fiberin yayımlandığı ilk illərdə ABŞ-ın bütün şəhərlərində istifadə olunacağını elan edən Google 2016-cı ildə bu xidməti genişləndirmək üçün ara verdi. Hazırda ABŞ-ın 18 şəhərində mövcud olan Google Fiberin hansı bir istifadə kvotası və ya öhdəlik tələbi yoxdur.

 

Google Fiber-in gələn aydan etibarən 2 Gb paketin sınaqlarına başlayacağı açıqlanıb. Əksər genişzolaqlı internet xidmətləri kimi, Google Fiber də paylaşılan internet xidmətidir. Ancaq Google Fiber tərəfindən təklif olunan bant genişliyi o qədər yüksəkdir ki, hansısa abunəçinin digər abunəçilərin sürətinə təsir göstərməsi demək olar ki, mümkün deyil.

 

Google Fiber-in qiymətləri bölgələrə görə dəyişir. Ancaq Google Fiber müştərilərinin əksəriyyəti 100 Mb-lik internet paketi üçün aylıq 50 dollar, 1000 Mb (1 Gb) internet paketi üçün aylıq 70 dollar ödəyirlər.

 

2 Gb-ə qədər endirmə, 1 Gb-ə qədər isə yükləmə sürəti olan Google Fiber paketi isə istifadəçilərə 100 dollara təqdim olunacaq.

Texnologiya bölməsindən digər xəbərlər

Daha çox