Mercedes-Benz Almaniyanın Sindelfingen şəhərində dünyanın ən müasir avtomobil zavodlarından birini açıb. Factory 56 adı verilən müəssisə, maşın yığma prosesinin dizaynında və təşkilində bir sıra yenilikçi həllərə malikdir.

TED.az xəbər verir ki, zavod 30 futbol sahəsini, yəni 220 min kvadrat metr ərazini əhatə edir. 

Zavodun damında quraşdırılmış günəş panellərini əhatə edən enerji qənaətcil dizaynı var. Elektron sənəd dövriyyəsi istifadə olunan kağız miqdarını minimuma endirməyə imkan verib və şirkətin əksər sistemləri tək bir kompüter mərkəzinə qoşulub. Factory 56-nın 2022-ci ilə qədər tamamilə CO2-neytral olması planlaşdırılır.

Mercedes-Benz tərəfindən qeyd edildiyi kimi, elektronika bütün zavod sistemlərinin işləkliyini avtomatik olaraq izləməyə imkan verir. Factory 56 zavodu elektrikli vasitələr və hibridlər daxil olmaqla bütün alman markalı avtomobillər istehsal edə bilər. Zavodda buraxılan ilk Mercedes-Benz son nəsil Mercedes-Benz S-Class sedanı, daha sonra Mercedes-Maybach S-Class və Mercedes-Benz EQS elektromobili olacaq.