Şüa izləmə işığın real aləmdəki hərəkətini təsvir edən qrafik yaratma metodudur. Son zamanlarda bəzi oyunlarda şüa izləmə texnologiyası qarşımıza çıxmağa başlayıb. 

TED.az məlumat verir ki, ingilis dilində Ray Tracing olan süa izləmə real həyatda olduğu kimi təsirli bir təcrübə təqdim edir. Şüa izləmə işığın real dünyadakı hərəkəti ilə eyni mənzərə yaradır.

Real həyatda işıq mənbəyindən şüalar yayılır və cisimləri işıqlandırır. İşıq əşyalarda əks olunur və ya şəffaf cisimlərdən keçir. Yansıyan işıq isə gözümüzə və ya kameranın obyektivinə daxil olur. Bu vəziyyətin kompüter qrafikinə köçürülməsinə şüa izləmə deyilir.

Nvidia RTX seriyası və bəzi üst səviyyə GTX modelləri şüa izləmə dəstəyi təklif edir. Ancaq bu xüsusiyyəti istifadə etmək üçün oyunlar da bu xüsusiyyəti dəstəkləməlidir.

Şüa izləmə texnologiyası sayəsində qaranlıq və parlaq mühitlərdə də daha real kölgələr əldə etmək mümkündür. Ancaq bu texnologiyanı dəstəkləyən qrafik kartları və oyunlar bu gün çox azdır.

Gələcəkdə texnologiyanın inkişafı və yayılması ilə real həyatı daha yaxşı əks etdirən oyun səhnələri ilə qarşılaşacağıq.