Bakı Ali Neft Məktəbinin Proseslərin Avtomatlaşdırılması Mühəndisliyi ixtisasının II kurs tələbəsi Ayaz Pənahov riyaziyyat fənni üzrə biliklərin möhkəmləndirilməsi, beynəlxalq imtahanlara hazırlaşanlar üçün “Math Upgrader” adlı mobil tətbiq yaradıb. 
                                                                                                             

TED.az xəbər verir ki, mobil tətbiq istifadəçisinə hesablama bacarıqlarını təkmilləşdirmək, SAT imtahanlarına hazırlaşmaq və testləri həll etməyə imkan verir. 
                                                                                                          

Tətbiqdə 58 sualdan ibarət riyaziyyat testləri, onların cavabını avtomatik yoxlamaq, test üzrə təxmini balı müəyyənləşdirmək, düzgün və səhv cavabların istifadəçiyə göstərilməsi imkanları da mövcuddur. 
                                                                                                            

Tətbiqə yüksək nəticələr əldə etməyə kömək edəcək taymer və xüsusi sual seçmə alqoritmi inteqrasiya olunub.  

                                                                                                            
Bundan başqa, tədbiq daxilində “Blitz Math” əlavə rejimi yaradılıb. “Blitz Math” rejimi tamamilə fərdiləşdirilə bilər. Onun vasitəsilə sürəti, hesablamların çətinlik səviyyəsini, istənilən  riyazi əməliyyatları tənzimləmək mümkündür. 
                                                                                                         

Həmçinin tətbiqdaxili ballar qazanmaq imkanı da mövcuddur. Mobil tətbiq hazırda yalnız “Android” və “iOS” Əməliyyat sistemlərində dəstəklənir.
                                                                                                        

Aşağıdakı linklər vasitəsilə tətbiqi yükləmək mümkündür: 
                                                                                                       

 “Android” 

“iOS”