“Tezliklə Microsoft Teams Azərbaycan dilində interfeyslə təqdim ediləcək”.

Bu sözləri TED.az-a açıqlamasında Microsoft Azerbaijan şirkətinin baş meneceri Qaçay Mirzəyev deyib.

Q.Mirzəyev qeyd edib ki, Microsoft şirkəti Təhsil Nazirliyinə hər cür dəstək verir: “Təhsil Nazirliyi Microsoftun uzunmüddətli partnyorudur. Qazanc güdmürük, məqsədimiz təhsilə dəstək olmaqdır. Əməkdaşlığa hər zaman açığıq. Tezliklə Microsoft Teams Azərbaycan dilində interfeyslə təqdim ediləcək. Bu istiqamətdə işlər davam etsə də, dəqiq tarix söyləmək mümkün deyil. Çünki dəqiqləşdirilməli bir neçə məsələ var. Hər halda, fikrimcə, uzun çəkməz. Cənab Prezidentlə videozəngdə şirkətin götürdüyü öhdəliyə əsasən, təqvim ilinin sonuna qədər bu, baş verəcək. Xidmət tezliklə əlçatan olacaq”.

Şirkətin baş meneceri onu da qeyd edib ki, əməkdaşlıq davam etdiyi müddət ərzində Təhsil Nazirliyinə təqdim olunan sistem ödənişsiz olaraq qalacaq.

Lamiyə SÜLEYMANLI