Artıq kənd zonalarında da dayanıqlı simli və simsiz infrastruktur yaranır
“Azərbaycanda son illərdə aparılan islahatlar texnologiyaların, rəqəmsallaşma tətbiqinə böyük potensial yaradır. Həm dövlət, rabitə strukturları, həm sahənin iri korporasiya və şirkətləri ciddi davamlı infrastrukturların genişlənməsində olduqca maraqlıdır”.
Bunu TED.az-a açıqlamasında telekommunikasiya üzrə mütəxəssis Cəlil Xəlilov deyib.
O bildirib ki, artıq ölkəmizin iri şəhərləri ilə yanaşı kənd zonalarında da dayanıqlı simli və simsiz infrastruktur yaranır: “Zənnimcə, 5G texnologiyasının tətbiqi bilavasitə operatorların sərmayə qoyuluşu hazırlığından, bazarda kifayət qədər dəstəklənən mobil telefon bazasından və ümumiyyətlə bu texnologiyanın monetizasiya strategiyalarından irəli gələcək”.
“Sözsüz ki, 4-cü sənaye inqilabı ərəfəsində 5G, digər mobil rabitə texnologiyaları kimi bazarımızda öz yerini tapmaq potensialına malikdir, lakin bu ciddi zaman və maliyyə tələb edəcək”, – deyə o qeyd edib.
Zeynəb ƏKBƏR