Ümumdünya Səhiyyə Təşkilatı (ÜST) koronavirus əleyhinə effektiv peyvəndin kütləvi şəkildə əlçatan olmasından əvvəl dünyada COVID-19-dan 2 milyon insanın öləcəyini istisna etmir.

TED.az Rusiya KİV-nə istinadən xəbər verir ki, bu barədə təşkilatın Səhiyyə sahəsində fövqəladə vəziyyətlər üzrə proqram direktoru Maykl Rayan keçirdiyi brifinqdə bildirib.

"Bu, şübhəsizdir, təsəvvür etmək çətindir, amma bu mümkün deyil. Çünki biz 9 ay ərzində 1 milyon insan itirdik və ən yaxın 9 ayda vaksinin yaranmasına açıq gözlə baxırıq", - deyə o, vaksinin kütləvi əlçatan olacağına qədər insan ölümlərinin sayının 2 milyona çata biləyinə dair suala cavabında deyib.

Onun sözlərinə görə, hazırda xüsusən vaksinin maliyyələşdirilməsində, istehsalında və qiymətləndirilməsində problemlər mövcuddur.

Maykl Rayan, eyni zamanda qeyd edib ki, xəstəxanalara yerləşdirilən xəstələr arasında ölüm faizi azalır. Dünyada insan ölümlərinə yol verməmək üçün əvvəlki doqquz aydan dərs götürmək imkanları var.