Bu, Alibaba Qrupunun törəmə şirkəti olan Ant Group-dur.

ABŞ Dövlət Departamenti Tramp administrasiyasına Çinin daha bir şirkətini, Ant Group-u qara siyahısına əlavə etməyi təklif edib.

TED.az xəbər verir ki, bu barədə Reuters məlumat yayıb.

Elektron ticarət nəhəngi Alibaba Group-un törəmə şirkəti olan Fintech Ant Group yaxın vaxtlarda IPO-ya keçirməyi planlaşdırır. Bu keçid şirkətə təxminən 35 milyard dollar məbləğ qazandıra biləcəyi gözlənilirdi.

ABŞ-da belə bir addımın atılmasının məqsədi hələki tam məlum deyil. Lakin ehtimal olunur ki, ölkədə yerli sərmayəçinin Çin şirkətinə yatırım etməsinin qarşısını almaq istəyirlər.

Qeyd edək ki, Ant Group Çin mobil ödəmələr bazarına liderlik edir, eyni zamanda mobil proqramlar vasitəsilə kreditlər, sığorta və aktivlərin idarə edilməsi xidmətləri təklif edir.